A Xunta destaca a figura de Ovidio Cadenas pola capacidade que tivo para facer da unión como unha constante da colectividade galega en Madrid
O vicepresidente económico e conselleiro de Economía, Empresa e Innovación, Francisco Conde, e o secretario xeral da Emigración, Antonio Rodríguez Miranda, participaron en Alcobendas na homenaxe póstuma a Ovidio Cadenas, que presidiu a Federación de Asociacións Galegas en Madrid
O vicepresidente económico e conselleiro de Economía, Empresa e Innovación, Francisco Conde, acompañado polo secretario xeral da Emigración, Antonio Rodríguez Miranda, participou hoxe en Alcobendas (Madrid) na homenaxe póstuma que a Xuntanza de Galegos desta localidade organizou a Ovidio Cadenas.
Ambos destacaron o activo papel do homenaxeado, nacido en Negueira de Muñiz (Lugo), dentro da colectividade de galegos en Madrid, onde presidiu a Federación de Asociacións Galegas en Madrid e a Xuntanza de Galegos en Alcobendas, apuntando que o seu maior legado é conseguir que a unión sexa unha constante na colectividade galega en Madrid.
Tal e como sinalou Conde no encontro, Ovidio Cadenas actuou como un verdadeiro embaixador “desa Galicia que está aberta a todo aquel que a queira coñecer ou queira contribuír ao seu progreso”.