O Sergas traslada o seu compromiso coa estabilidade laboral do persoal de enfermaría ao sindicato SATSE
Sanidade procura ferramentas para reducir ao máximo a temporalidade do persoal de enfermaría
O conselleiro de Sanidade, Julio García Comesaña, e os responsables do Sindicato de Enfermaría (SATSE), mantiveron esta tarde unha reunión para abordar a situación deste colectivo.
Durante a reunión, desenvolta nun tono construtivo e de cordialidade, o titular da carteira sanitaria da Xunta trasladou aos representantes sindicais o compromiso do Sergas por incrementar a estabilidade laboral e reducir ao máximo a temporalidade do persoal de enfermaría. Así mesmo, comprometeuse a seguir potenciando os contratos de continuidade, dos que arestora, hai 88.
Na xuntanza, na que tamén participaron a directora xeral de Recursos Humanos do Sergas, Ana Comesaña Álvarez; e o director xeral de Asistencia Sanitaria, Jorge Aboal Viñas; tamén se abordou a figura da enfermeira comunitaria, o papel da enfermaría na atención hospitalaria e os detalles da vindeira oferta de emprego público.
Imaxes relacionadas
