A paralimpista Adiaratou Iglesias visita os rapaces dos centro de menores Santo Anxo de Rábade da Xunta

Santiago de Compostela, 23 de decembro de 2021.- A atleta Adiaratou Iglesias, gañadora dunha medalla de ouro e outra de prata nos Xogos Paralímpicos de Tokio 2020, visitou esta mañá as rapazas e rapaces do centro de menores de Santo Anxo de Rábade para achegarlles a súa historia. O director xeral de Familia, Infancia e Dinamización Demográfica, Jacobo Rey, acompañou na visita á atleta.

Adiratou Iglesias naceu en Mali e estivo os seu primeiros anos de vida nun centro de menores ata que foi adoptada por unha familia lucense. A deportista falou coas mozas e mozos do centro de menores para explicarlle que ela tamén estivo nunha situación semellante á deles.

Pola súa banda, Jacobo Rey, puxo en valor as historias de esforzo e superación como a de Adiratou para achegar aos menores que están dentro do sistema de protección do Goberno galego todas as posibilidades que teñen.