A Xunta recoñece os proxectos das bibliotecas escolares de 19 centros educativos
O certame ten como obxectivo estimular o impulso de iniciáticas de carácter interdisciplinar e de investigación desde estes espazos
A Xunta de Galicia vén de conceder os premios do concurso Traballos por Proxectos realizados na biblioteca escolar a 19 centros educativos. O obxectivo deste certame, convocado pola Consellería de Cultura, Educación e Universidade, é estimular iniciativas de investigación desde estes espazos, que contribúen á adquisición de competencias-clave, e premiar as boas prácticas dos centros nesta materia.
A convocatoria contempla catro modalidades de participación, unha delas de nova incorporación este curso enfocada á vertente científica. A primeira delas céntrase nos proxectos de carácter interdisciplinario no que se abordan distintas materias e ámbitos coordinados desde a biblioteca escolar e que conten coa participación dun mínimo do 40% dos grupos-aula do centro. Nela, os centros galardoados, que reciben unha asignación de 2.000€, son os seguintes:
Provincia | Concello | Centros Premiados | Título |
A Coruña | A Coruña | CEIP Emilia Pardo Bazán | Paseando con Emilia |
A Coruña | Muxía | CEIP dos Muíños | Facemos camiños |
A Coruña | Outes | CEIP P. de Outes | Mens sana in corpore sano |
Pontevedra | Caldas de Reis | IES P. Aquis Celenis | As palabras no Camiño II |
Pontevedra | Meaño | CEIP P. Meaño-As Covas | Botarse ao monte |
Pontevedra | O Grove | CEIP Valle-Inclán | Ardia 2020-2021 |
Pontevedra | Salvaterra de Miño | CEIP de Leirado | A tope coa saúde |
Pontevedra | Soutomaior | CEIP Manuel Padín Truiteiro | Viaxe á Idade Media a través do castelo de Soutomaior |
A segunda modalidade vai dirixida a iniciativas de investigación coordinadas por profesorado dun grupo, nivel, ciclo ou departamento, incluídos os que se realicen na materia de libre configuración de 1º e 2 de ESO Investigación e Tratamento da Información. Os centros premiados nesta categoría, que reciben unha asignación de 1.500€, son os seguintes:
Provincia | Concello | Centros Premiados | Título |
A Coruña | Sada | CEIP Pedro Barrié de la Maza | A nosa Odisea |
Pontevedra | A Lama | CEIP A Lama | Os instrumentos do Pórtico da Gloria |
A Coruña | Bergondo | CPI Cruz do Sar | Que podo facer eu para...? |
Pontevedra | Lalín | IES Ramón María Aller Ulloa | Unha aldea global, en perspectiva de xénero |
Lugo | Lugo | IES Xoán Montes | A caixa de Pandora |
A terceira categoría está centrada nos proxectos de investigación nos que participan varios centros de xeito colaborativo promovidos desde as bibliotecas. A temática escollida nestas tres modalidades podía ser de calquera ámbito de coñecemento. Os centros galardoados, que reciben unha asignación de 1.500€, son os seguintes:
Provincia Concello Centros Premiados Título
A Coruña Coristanco CEIP Canosa Rus Carpiño está en perigo, un mar de valores
A Coruña Culleredo CRA de Culleredo Carpiño está en perigo, un mar de valoresNova modalidade científica
A cuarta modalidade, novidade este ano, xira arredor dos proxectos realizados con metodoloxía científica, co fin de estimular a curiosidade por distintos fenómenos das ciencias experimentais ou sociais e reforzar o desenvolvemento do pensamento científico.
Os proxectos deben responder a temas de interese do alumnado ou pertinencia educativa, desenvolver contidos curriculares e contribuír á adquisición de competencias clave. Os centros premiados, cunha asignación de 1.500€, son os seguintes:
Provincia | Concello | Centros Premiados | Título |
A Coruña | A Coruña | CIFP Someso | Crecemento do pelo |
Lugo | Cervantes | CPI de Cervantes | Cervantes 100XCIENcia |
Pontevedra | Vigo | CEIP García Barbón | Cando medre quero ser entomólogo |
Pontevedra | Vigo | IES de Valadares | MeteoValadares |
Pontevedra | Vigo | IES de Valadares | Sensor CO2 |