A conselleira de Política Social achegouse esta tarde ata o centro para celebrar con usuarios e profesionais esta data
Fabiola García felicita aos traballadores e usuarios da residencia das gándaras polo seu 40 aniversario
A Xunta de Galicia ten proxectada unha reforma integral no centro para optimizar equipamento e adecuala ás bases do novo modelo de residencias
A conselleira de Política Social, Fabiola García, felicitou hoxe aos traballadores da residencia das Gándaras, que cumpre 40 anos, polo súa atención e coidados durante este tempo aos maiores que alí viven. Achegouse esta tarde ao centro para celebrar con profesionais e usuarios esta data tan sinalada.
Fabiola García puxo en valor a traxectoria do centro e recordou a importancia que ten para a cidade de Lugo, por iso, anunciou que a Xunta de Galicia ten proxectada unha reforma integral para optimizar o equipamento e tamén para adecuala ás bases do novo modelo de residencias.
Así mesmo, a conselleira gabou o esforzo de traballadores e usuarios nos últimos case dous anos facendo fronte á pandemia provocada pola covid-19. Isto permitiu que Galicia fose a comunidade da península que mellor resistiu á chegada do coronavirus.
Imaxes relacionadas
