A Xunta impulsa o deporte escolar e de base como “eixo fundamental” na formación da mocidade a través do programa Xogade

A Xunta de Galicia, a través do programa Xogade da Secretaría Xeral para o Deporte, segue a impulsar o deporte escolar e de base como “eixo fundamental na formación da mocidade”, segundo manifestou hoxe o delegado territorial da Xunta en Pontevedra, Luis López, na súa visita ao Campionato Escolar Zonal de Campo a Través celebrado na contorna da Azucreira de Portas para os nenos e nenas da comarca de Caldas.
“O fomento do deporte entre os nenos é imprescindible para a súa axeitada formación física e mental, para fomentar hábitos saudables dende idades tempranas e para inculcarlles valores propios do deporte como o compañeirismo, a solidariedade, o respecto ou o traballo en equipo e por iso dende a Xunta concedemos especial importancia á organización e impulso periódico e constante destas actividades”, sinalou o representante autonómico.
Luis López acudíu ata a competición, celebrada ao longo de toda a mañá, xunto ao alcalde de Portas, Ricardo Martínez, que agradeceu que a Xunta escollera o seu concello para este evento, e o xefe provincial de Deportes, Daniel Benavides.
O Campionato Zonal contou coa participación de preto de 700 cativos de entre 7 e 14 anos de idade pertencentes aos centros CPR San Fermín Padre Somascos de Caldas de Reis, CEIP Amor Ruibal de Barro, CPI Plurilingüe Santa Lucía de Moraña e IES Francisco Asorey de Cambados.