Os usuarios da residencia Volta do Castro desfrutan dun concerto da Coral Casablanca

O director xeral de Maiores e Persoas con Discapacidade, Fernando González Abeijón, asistiu hoxe ao concerto que a Coral Casablanca de Vigo ofreceu esta mañá aos usuarios e traballadores da residencia de maiores Volta do Castro de Santiago de Compostela.

Fernando González Abeijón apuntou que esta é unha das moitas actividades que a residencia realiza para os seus usuarios. Neste sentido, celebrou as diferentes iniciativas que se desenvolven nos centros residenciais para impulsar e favorecer o envellecemento activo dos seus usuarios.