O delegado territorial da Xunta en Ourense asiste á presentación da 'Gladiator Race'

O delegado territorial da Xunta en Ourense, Gabriel Alén, asistiu esta mañá á presentación da nova edición da Gladiator Race, a única carreira de obstáculos desta modalidade deportiva que se celebrará en España en 2021, froito do convenio entre o Inorde e a Axencia Galega de Turismo. Nesta proba están inscritos máis de 400 participantes procedentes de quince provincias e do norte de Portugal.