A Xunta colabora na cubrición dun parque infantil no concello ourensán de Muíños

A directora xeral de Administración Local, Natalia Prieto, acompañada do delegado territorial da Xunta en Ourense, Gabriel Alén, visitou esta mañá o novo parque infantil cuberto d de Mugueimes, no concello de Muíños no que a Xunta colaborou no marco da Orde de Infraestruturas de uso público cunha achega de preto de 34.000 euros.

Natalia Prieto indicou que é una medida de optimización do uso das instalacións públicas para posibilitar o uso destas infraestruturas con independencia da situación meteorolóxica.

O Goberno galego destina este exercicio á convocatoria da Orde de Infraestruturas de uso público 4 millóns de euros, mantendo o orzamento do ano pasado despois de incrementalo en 2020 nun millón de euros. Así, a Administración autonómica financia os proxectos dos concellos galegos para a creación e/ou mellora das infraestruturas, dotacións, instalacións e equipamentos vinculados á prestación de servizos municipais.

Natalia Prieto destacou o compromiso da Xunta por manter o apoio que precisan os municipios para levar a cabo actuacións que contribúan a mellorar a calidade dos seus veciños. No caso de Muíños, o Goberno galego leva preto de 940.00 euros en melloras ambientais e de infraestruturas.