Estabilizado un incendio forestal rexistrado no concello coruñés de Ponteceso, parroquia de Niñóns
Segundo as últimas estimacións, rolda as 90 hectáreas de superficie afectada provisional
A Consellería do Medio Rural informa dun incendio forestal rexistrado no concello coruñés de Ponteceso, parroquia de Niñóns.
O lume iniciouse ás 19,42 h. da pasada tarde e quedou estabilizado ás 8,35 h. desta mañá. Segundo as últimas estimacións coa luz do día, rolda as 90 hectáreas de superficie afectada provisional. No seu control levan participado ata o de agora 4 técnicos, 7 axentes, 17 brigadas, 11 motobombas, 3 pas, 6 avións e 2 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.