Controlado o lume forestal rexistrado no Concello de Negueira de Muñiz, parroquia de San Pedro de Ernes
Segundo novas estimacións, afecta unha superficie dunhas 30 hectáreas
A Consellería do Medio Rural informa de que o incendio forestal rexistrado no concello lugués de Negueira de Muñiz, parroquia de San Pedro de Ernes, xa está controlado.
Este lume comezou ás 2,01 h. da madrugada do sábado e quedou controlado ás 12,59 h. desta mañá. Segundo novas estimacións, a superficie afectada é dunhas 30 hectáreas. Na súa extinción levan traballado 7 axentes, 23 brigadas, 7 motobombas, 2 pas, 1 tractor, 4 helicópteros e 6 avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.