A Xunta executa obras de mellora do firme na estrada LU-721 ao seu paso polo Concello da Fonsagrada
Os traballos, que acaban de comezar, supoñen un investimento autonómico de máis de 68.000 euros e contan cun prazo de execución de 2 semanas
A intervención inclúe a rehabilitación do firme entre os puntos quilométricos 8+000 e 12+000 e a reposición da sinalización horizontal en todo o tramo
Esta actuación súmase a outros investimentos da Xunta para mellorar as estradas da Fonsagrada nos últimos anos, como o acondicionamento da LU-530, á que destinou 100.000 €; ou das estradas LU-701, LU-703 e LU-740, cun investimento de 1,62 M€
En agosto a Consellería de Infraestruturas e Mobilidade mellorará a sinalización en 8 puntos de cruce do Camiño Primitivo coas estradas autonómicas LU-701, LU-740 e LU-530
A Xunta está a executar obras de mellora do firme na estrada LU-721 ao seu paso polo concello da Fonsagrada.
Os traballos, que acaban de comezar, supoñen un investimento autonómico de máis de 68.000 euros e contan cun prazo de execución de 2 semanas.
A intervención consiste na rehabilitación do firme na estrada autonómica LU-721 mediante o estendido dun dobre tratamento superficial no treito entre os puntos quilométricos 8+000 e o 12+000.
Nestes traballos inclúese a reposición da sinalización horizontal en todo o tramo obxecto das obras.
Esta actuación súmase a outras executadas pola Xunta na rede viaria autonómica na Fonsagrada nos últimos anos.
Cómpre lembrar que a Consellería de Infraestruturas e Mobilidade acometeu o acondicionamento da estrada LU-530 no ano 2017, cun investimento de máis de 100.000 euros; e no ano 2019 executou a mellora das estradas autonómicas LU-701, LU-703 e LU-740, ás que destinou 1,62 M€.
Ademais, a partir de mediados de agosto e ata o outono, a Xunta vai mellorar a sinalización en 8 puntos de cruce do Camiño Primitivo coas estradas autonómicas LU-701, LU-740 e LU-530, cun investimento estimado duns 25.000 € co obxectivo de reforzar a seguridade viaria dos peregrinos.