A Xunta destaca o traballo da asociación Boa Vida de Pontevedra na loita pola inclusión social

A Xunta destaca o traballo da asociación Boa Vista, de Pontevedra, na loita pola inclusión social. O director xeral de Inclusión Social, Arturo Parrado, visitou hoxe as instalacións desta entidade, á que o Goberno galego concedeu axudas por 200.000 euros para a posta en marcha de programas e actividades de formación e asesoramento ás persoas que máis o precisan.

O director xeral sinalou que Boa Vista é unha das entidades coas que a Xunta colabora na cidade do Lérez para promover unha vida con máis posibilidades para as persoas que peor o están a pasar. Neste sentido, apuntou que o Executivo autonómico financiou programas doutras 15 entidades desta cidade durante este ano 2021. En concreto, destinou un total de 900.000 euros a esta finalidade.

Arturo Parrado lembrou a importancia de que a Xunta traballe da man das entidades sociais para facer de Galicia un lugar máis xusto, solidario e igualitario no que vivir. Así mesmo, puntualizou que seguirán apostando por impulsar iniciativas e programas que permitan dar máis posibilidades a quen máis o precisa.