Permanece activo o incendio forestal rexistrado no concello ourensán de Carballeda de Valdeorras, parroquia de Sobradelo
Segundo as últimas estimacións, o lume afecta unha superficie dunhas 200 hectáreas
A Consellería do Medio Rural informa de que permanece activo o incendio forestal rexistrado onte no concello ourensán de Carballeda de Valdeorras, parroquia de Sobradelo.
O lume orixinouse ás 16,35 h. do sábado e segundo as últimas estimacións afecta unha superficie dunhas 200 hectáreas. No seu control levan participado 1 técnico, 12 axentes, 28 brigadas, 13 motobombas, 2 pas, 6 avións e 9 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.