A xoeiría Isabel Suárez de Santiago súmase ás máis de 140 empresas que contan co selo Galicia Calidade

O vicepresidente económico e conselleiro de Economía, Empresa e Innovación, Francisco Conde, visitou esta tarde a xoiería Isabel Suárez para facerlle entrega do diploma de certificación de Galicia Calidade polas súas coleccións Coralia e Infinity.
Deste xeito, o establecemento forma parte das máis de 140 empresas –entre elas, oito xoierías– e 600 produtos que contan co selo de calidade. Conde destacou que esta distinción logra o dobre obxectivo de impulsar a competitividade do comercio e achegar confianza ao consumidor.
O vicepresidente económico ratificou o apoio da Xunta á recuperación do comercio de proximidade, ao que se leva destinado máis de 61M€ dentro do Plan de Reactivación e que tamén se poderá beneficiar do terceiro Plan de Rescate, dotado con 234M€.
Lembrou medidas específicas para o comercio que están en marcha como o Bono Enerxía Peme e Comercio ou o Bono Activa Comercio que suma 5.675 tendas en toda Galicia (310 en Santiago de Compostela) e máis de 154.000 usuarios (5.500 na cidade santiaguesa).