A Xunta achega 40.000 euros a acción contra el hambre para a posta en marcha de programas de inserción laboral

Santiago de Compostela, 25 de xuño de 2021.- O director xeral de Inclusión Social, Arturo Parrado, visitou hoxe a entidade Acción Contra a Fame no Centro de Emprendemento da Cidade da Cultura, onde puxo en valor que a Xunta de Galicia achega 40.000 euros a Acción Contra a Fame para que poida desenvolver programas destinados á inserción sociolaboral de persoas en risco de exclusión.

Esta asociación traballa para que as persoas que se encontran nunha situación de vulnerabilidade poidan acceder a alimentos e outros produtos básicos. Durante a súa visita o director xeral de Inclusión Social puido coñecer as diferentes propostas e programas, e falar sobre posibles fórmulas de colaboración futuras.