A Xunta informa aos empresarios de Ribeira dos apoios postos en marcha para impulsar a reactivación

O vicepresidente económico e conselleiro de Economía, Empresa e Innovación, Francisco Conde, mantivo esta tarde unha reunión de traballo coa Asociación de Empresarios de Ribeira para trasladar as medidas que a Xunta está poñendo en marcha para a reactivación empresarial e escoitar as suxestións da entidade.
A Xunta leva destinados 587M€ a través dos tres Plans de Rescate activados e das axudas directas deseñadas para atender as necesidades máis urxentes de pemes e autónomos. Conde lembrou, tamén, a oportunidade que suporán os fondos europeos Next Generation para a recuperación e insistiu na necesidade de abordar a transformación dixital do tecido empresarial e do comercio galego. Neste sentido, durante o mes de xuño, autónomos e pemes poderán acceder a 17M€ en distintas liñas de axudas destinadas a este fin. Tamén se abordou a importancia de avanzar na mobilidade sostible.