A Xunta destina 104.000 euros a Down Vigo para a promoción da vida autónoma das persoas con discapacidade
Achegouse a coñecer de primeira man as actividades e programas que desenvolven nas súas instalacións
O director xeral de Maiores e Persoas con Discapacidade, Fernando González Abeijón, acompañado da delegada da Xunta en Vigo, Marta Fernández-Tapias, visitou esta tarde a sede de Down Vigo, á que a Xunta destina neste ano 2021 un total de 104.000 euros para promover a vida autónoma das persoas con discapacidade usuarias desta entidade.
O director xeral destacou que Down Vigo ten demostrado ser un aliado fundamental do Goberno galego na procura dunha sociedade máis xusta, solidaria e igualitaria. Neste sentido, agradeceu a súa implicación e traballo e animounos a seguir facendo da nosa Comunidade un mellor lugar para vivir.
González Abeijón aproveitou a súa visita para visitar as actividades e terapias que se realizan nos centros desta entidade, así como a algún dos seus usuarios. Down Vigo ofrece un amplo programa de proxectos que atende desde os primeiros anos dun neno con Síndrome de Down ata as idades máis avanzadas.
Imaxes relacionadas
