Política Social visita a residencia de San Marcos de Hermanitas de los Ancianos Desamparados

O director xeral de Atención Integral Sociosanitaria, Antón Acevedo, visitou esta mañá a residencia de San Marcos de Hermanitas de los Ancianos Desamparados, onde tivo a oportunidade de coñecer de primeira man o servizos que presta esta entidade que xestiona máis dun centenar de centros, dos que unha quincena están situados en Galicia.

A congregación Hermanitas de los Ancianos Desamparados fundouse en 1873 e presta atención ás persoas de máis idade que teñan dificultades. En Galicia oferta máis de 2000 prazas, das que 220 pertencen á Residencia San Marcos de Santiago de Compostela, unha das de maior tamaño.