A Xunta destinou máis de 460.000€ a 52 restaurantes e cafeterías da comarca de Bergantiños-Costa da Morte para facilitar o acondicionamento de terrazas e as vendas a domicilio ou para levar
O Goberno galego aportou 11M€ á dotación da liña para adaptar os espazos exteriores e adquirir materiais de empaquetado de comidas e bebidas
O programa incluíu anticipos da metade do importe que acada o 80% dos investimentos, ata o máximo de 20.000 euros
O delegado da Xunta na Coruña, Gonzalo Trenor, visitou esta mañá Dubra Café, un dos establecementos beneficiado pola orde de axudas dirixida aos sectores da hostalería e a restauración para facilitar a súa actividade e que sexa compatible coas medidas de protección da saúde ante a covid-19. Con este plan buscouse asegurar a cobertura do maior número posible de investimentos que están a realizar os establecementos no acondicionamento dos espazos exteriores e na posta en marcha do servizo de vendas a domicilio ou para levar.
Tal e como subliñou o delegado da Xunta, Gonzalo Trenor, na comarca de Bergantiños-Costa da Morte concedéronse 52 axudas por un importe de máis de 460.000 euros, dunha convocatoria que cubriu o 80% do investimento. En Galicia o goberno galego aportou 11 millóns de euros para esta orde de axudas.
O programa ofreceu apoios directos a autónomos e pemes de menos de 50 traballadores, sendo a axuda mínima de 1200 euros e máxima de 20.000. Ademais, incluíu a achega de anticipos no momento da resolución favorable da axuda pola metade da contía dos gastos realizados.
Entre as características das solicitudes de apoios presentadas, destacou a dimensión dos proxectos de adecuación dos exteriores, xa que unha parte importante dos restaurantes e cafeterías solicitantes acometeron reformas substanciais nesa parte dos seus locais. As axudas facilitadas polo programa puideron destinarse a cubrir os gastos e investimentos realizados para instalar pechamentos estables ou elementos desmontables que sirvan de illamento ou protección, renovación do mobiliario, instalación de sistemas de iluminación e aparatos calefactores nas terrazas, así como de mellora da fachada exterior dos establecementos.
En canto aos apoios destinados a sufragar os gastos de adquisición de elementos de envasado de comida e bebida para a entrega a domicilio ou a recollida no local, é de salientar a gran cantidade de solicitudes presentadas, o que indica que unha parte relevante dos establecementos hostaleiros da Comunidade incorporaron ou reforzaron este servizo entre as súas actividades.
AXUDAS TERRAZAS-VENDA A DOMICILIO HOSTELERÍA BERGANTIÑOS-COSTA DA MORTE | ||||||
CONCELLO | Beneficiarios | Mobilizado | Mob. Pechamento | Mob. Adecuación | Mob. Envases | Axuda |
MUXIA | 6 | 83.778 | 54.287 | 25.573 | 3.918 | 67.022 € |
CEE | 5 | 74.104 | 37.475 | 28.629 | 8.000 | 59.283 € |
DUMBRIA | 3 | 23.492 | 23.492 | 18.794 € | ||
CORCUBION | 1 | 12.963 | 11.000 | 1.963 | 10.371 € | |
FISTERRA | 1 | 23.792 | 14.000 | 7.000 | 2.792 | 19.034 € |
CARBALLO | 13 | 136.649 | 84.303 | 45.650 | 6.697 | 109.320 € |
LAXE | 3 | 30.858 | 17.160 | 9.718 | 3.980 | 24.686 € |
PONTECESO | 2 | 17.622 | 10.800 | 4.380 | 2.442 | 14.098 € |
CABANA DE BERGANTIÑOS | 1 | 7.000 | 7.000 | 5.600 € | ||
MALPICA DE BERGANTIÑOS | 1 | 8.622 | 8.031 | 591 | 6.897 € | |
VIMIANZO | 9 | 92.332 | 59.890 | 19.353 | 13.089 | 73.865 € |
ZAS | 4 | 33.338 | 24.806 | 4.535 | 3.998 | 26.671 € |
CAMARIÑAS | 2 | 15.870 | 15.870 | 12.696 € | ||
CERCEDA | 1 | 14.876 | 12.549 | 2.327 | 11.901 € | |
TOTAL | 52 | 460.238 € |