Estabilizado o incendio forestal no concello coruñés de Santiago de Compostela, parroquia de Figueiras
Segundo novas medicións, o lume afecta unhas 30 hectáreas
A Consellería do Medio Rural informa de que o incendio forestal rexistrado no concello coruñés de Santiago de Compostela, parroquia de Figueiras, xa está estabilizado.
O lume orixinouse ás 05,50 h. desta madrugada e quedou estabilizado ás 12,31 h. da mañá. Segundo novas estimacións afecta unha superficie dunhas 30 hectáreas. No seu control traballan 4 axentes, 9 brigadas, 6 motobombas, 1 pa e 4 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.