Preto de 15.000 persoas entre 50 e 55 anos recibiron hoxe a vacina da covid
O conselleiro de Sanidade, Julio García Comesaña, visitou as sete áreas sanitarias para supervisar as vacinacións e agradecer o traballo dos equipos de todo o persoal involucrado, tanto enfermería, como informáticos, policías locais ou voluntarios de Protección Civil
Esta xornada foi a primeira vacinación masiva en toda Galicia contra a covid-19, logo do piloto do xoves en Santiago
Un total de 14.734 persoas recibiron hoxe a vacina da covid-19, na que foi a primeira xornada de vacinación masiva na nosa comunidade e que tivo lugar simultáneamente nas sete áreas sanitarias de Galicia. Arredor de 19.000 persoas, con idades entre os 50 e os 55 anos, foron convocadas por SMS para acudir ao longo do día a recibir a primeira dose da vacina.
Finalizada a xornada, estes son os datos:
ÁREA SANITARIA | EMPRAZAMENTO | PERSOAS CONVOCADAS HOXE | PERSOAS VACINADAS | PERSOAS NON VACINADAS* | % VACINADOS |
A Coruña e Cee | Ifeco | 3.700 | 2.899 | 34 | 78,35% |
H. Virxe da Xunqueira Cee | 300 | 246 | 53 | 82% | |
Lugo, A Mariña e Monforte de Lemos | HULA | 1.700 | 1.363 | 14 | 80,18 % |
Hospital da Mariña | 500 | 397 | 2 | 79,4% | |
H. Monforte de Lemos | 300 | 221 | 36 | 73,67% | |
Ourense, Verín e O Barco de Valdeorras | Expourense | 1.700 | 1.305 | 16 | 76,76% |
Hospital de Verín | 200 | 149 | 50 | 74,5% | |
Hospital de Valdeorras | 250 | 197 | 54 | 78,80% | |
Pontevedra | Pazo da Cultura | 1.700 | 1.276 | 419 | 75,06% |
Fexdega, en Vilagarcía | 500 | 400 | 100 | 80% | |
Vigo | IFEVI | 4.401 | 3.284 | 94 | 74,64% |
Santiago de Compostela e Barbanza | Cidade da Cultura | 2.000 | 1.648 | 22 | 82,46% |
H. da Barbanza | 400 | 322 | 6 | 80,5% | |
Ferrol | FIMO | 1.300 | 1.027 | 6 | 79% |
TOTAL GALICIA |
* As persoas non vacinadas corresponden a contraindicacións maioritariamente
O conselleiro de Sanidade, Julio García Comesaña, visitou durante a xornada as sete áreas sanitarias para supervisar as vacinacións e agradecer o traballo dos equipos de todo o persoal involucrado, tanto enfermería, como informáticos, policías locais ou voluntarios de Protección Civil.
Imaxes relacionadas
