Un total de 6 concellos terán o nivel máximo de restricións a partir do vindeiro venres logo da reunión do comité clínico
Paradela, A Pobra do Brollón, Boborás, A Mezquita, Vilardevós e Pontecesures, son os que terán as restricións de nivel máximo, e outros 13 concellos estarán no grupo de restricións de nivel alto
O comité clínico que fai seguimento da evolución da covid en Galicia vén de propoñer, na súa reunión de hoxe, que os concellos que teñan o nivel de restricións máximas sexan os de Paradela, A Pobra do Brollón, Boborás, A Mezquita, Vilardevós e Pontecesures.
No nivel alto de restricións quedarán os concellos de Soutomaior, Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado.
O resto dos concellos galegos quedan en nivel medio.
Estas medidas entrarán en vigor ás 00,00 horas do venres día 12 de marzo.