Fernández-Tapias convoca a comisión territorial da Xunta en Vigo coa incorporación de Ana Ortiz, ex subdelegada do Goberno

A delegada territorial da Xunta de Galicia en Vigo, Marta Fernández-Tapias, reuniu hoxe a comisión territorial mensual á que se incorporou a ex subdelegada do Goberno, Ana Ortiz, como nova secretaria territorial.

Na xuntanza, que se celebrou de forma telemática como medida preventiva por mor da covid-19, Fernández-Tapias abordou cos xefes territoriais os protocolos implantados na sede autonómica en cumprimento das recomendacións sanitarias derivadas da pandemia. Neste senso, a delegada informou que se mantén a normalidade no funcionamento administrativo. O obxectivo, segundo salientou, é o de ofrecer as máximas garantías sanitarias e de atención aos cidadáns, nas súas xestións e tramitacións.

Entre as medidas adoptadas, a representante autonómica detallou o grado de implantación do teletraballo, con preto dun 50 por cento dos empregados públicos traballando de forma telemática, e do funcionamento dos grupos burbulla, cos que se busca minimizar o resgo de contaxios ao tempo no que se garante unha atención permanente nas dependencias e servizos públicos da delegación territorial.

Xa por último, o órgano de coordinación fixo o habitual seguimento por departamentos dos distintos proxectos en curso e que corresponden á área territorial.