O conselleiro de Sanidade e a presidenta do Colexio de Enfermería da Coruña abordan nunha xuntanza a mellora da visualización da enfermería en todos os procesos

O conselleiro de Sanidade, Julio García Comesaña, reuniuse hoxe, no Edificio Administrativo do Sergas en San Lázaro, con Susana López Carral, presidenta do Colexio Oficial de Enfermería da provincia da Coruña. Á reunión asistiu, así mesmo, o secretario xeral técnico da Consellería de Sanidade, Alberto Fuentes Losada.

Entre os asuntos abordados na xuntanza cabe remarcar a situación do persoal de enfermería en Galicia e a oferta de emprego público do Goberno galego, con 275 prazas de enfermería, sendo Galicia a primeira comunidade autónoma que convoca prazas de enfermería familiar e comunitaria, así como da mellora da visualización da enfermería en todos os procesos.