Fernández-Tapias destaca a calidade do proxecto presentado polo alumnado do CPR Plurilingüe Barreiro ao consumópolis-15
O traballo “Se vas a consumir, mira ben antes de elixir” quedou terceiro na fase autonómica do concurso sobre consumo responsable e calidade de vida
A delegada da Xunta en Vigo entregou hoxe aos cinco galardoados deste centro os diplomas que acreditan a súa clasificación na categoría de 5º e 6º de Primaria
Neste caso o premio está dotado cunha contía de 300 euros
A delegada da Xunta en Vigo, Marta Fernández-Tapias, achegouse hoxe ata o CPR Plurilingüe de Barreiro para felicitar aos cinco alumnos deste centro que participaron na fase autonómica do concurso sobre consumo responsable e calidade de vida “Consumópolis-15, Os teus actos de consumo poder cambiar o mundo, como o farías ti?”.
Fernández-Tapias aproveitou o encontro para destacar a calidade do proxecto presentado polo equipo Barreiro 2, integrado por Jorge Valverde, Candela Pérez, Samuel Fernández, Carlos Abelleira e Roi Davila baixo a coordinación de Emma Fernández, que acadou o terceiro posto co traballo “Se vas a consumir, mira ben antes de elixir” .
Na visita, a delegada da Xunta en Vigo entregou aos cinco galardoados os diplomas que acreditan a súa clasificación na categoría de 5º e 6º de Primaria e anuncioulles que pronto recibirán o cheque de 300 euros co que está valorado este premio.
A Consellería de Cultura, Educación e Universidade e o Instituto Galego do Consumo e da Competencia participan na organización xunto coa Axencia Española de Consumo, Seguridade Alimentaria e Nutrición (Aecosan). Este concurso de ámbito estatal seleccionou a nivel autonómico ao CEIP Cabanas (Salcedo-Pontevedra), ao IES Maximino Romero de Lema (Zas-A Coruña) e ao IES Rosalía de Castro (Santiago) para competir na fase nacional que terá lugar en Madrid.
Imaxes relacionadas
