A conselleira de Política Social participou hoxe no acto en conmemoración do Día Mundial organizado por ASPACE
Fabiola García agradece ás entidades sociais de Galicia o seu traballo durante os momentos máis duros da pandemia da covid-19
Lembra que o novo protocolo específico para centros de día garante a súa apertura incluso naqueles concellos con restricións
A conselleira de Política Social, Fabiola García, agradeceu ás entidades sociais de Galicia o seu traballo durante os momentos máis duros da pandemia da covid-19 para garantir a calidade de vida das persoas con discapacidade. Fíxoo durante a súa intervención no acto en conmemoración do Día Mundial da Parálise Cerebral organizado hoxe por ASPACE en San Caetano.
A conselleira lembrou que as persoas con parálise cerebral e as súas familias tiveron que sumar novos retos durante este 2020. Neste sentido, sinalou que tanto as entidades sociais como a Administración autonómica traballaron en todo momento para manter a súa atención e coidado.
Ademais, Fabiola García lembrou que todas estas entidades contan cun novo protocolo específico para centros de día que permite a súa apertura aínda naqueles concellos con restricións. Desta maneira, a conselleira sinalou que “as entidades poden contar co Goberno galego como un fiel aliado na mellora da calidade de vida das persoas con parálise cerebral”.
Imaxes relacionadas
