Extinguido o incendio forestal rexistrado na illa de Ons, concello de Bueu
Segundo as últimas medicións, afectou 3,4 hectáreas rasas dentro do Parque Nacional das Illas Atlánticas
A Consellería do Medio Rural informa de que quedou extinguido ás 16,59 h. o lume rexistrado a pasada a tarde na illa de Ons, no concello pontevedrés de Bueu.
Segundo as últimas medicións, o incendio afectou 3,4 hectáreas rasas dentro do Parque Nacional Marítimo Terrestre das Illas Atlánticas. Para o seu control mobilizáronse en total 6 axentes, 15 brigadas, 1 motobomba e 2 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.