ADOS chama a doar sangue á cidadanía co gallo da festividade do 25 de xullo e recalca a importancia de incrementar as doazóns de sangue dos grupos A positivo, B positivo e 0 negativo
A Axencia de Doazóns de Órganos e Sangue comunica que é preciso aumentar o número de doazóns da sangue durante o verán, especialmente nas xornadas anteriores ás operacións de tráfico de entrada e saída de vacacións
A Axencia de Doazón de Órganos e Sangue (ADOS) fai un chamamento xeneralizado a participación de toda a cidadanía na campaña de doazón de sangue Verán 2020 e, moi especialmente aos grupos A positivo, B positivo e O negativo. ADOS lembra que as datas inmediatamente anteriores e posteriores ás festividades que coinciden coas operacións de tráfico de entrada e saída de vacacións, fan preciso aumentar a participación da cidadanía nas campañas de doazón de sangue.
ADOS lembra que, mensualmente, os nosos hospitais precisan ao redor de 10.000 doazóns de sangue, cifra que non diminúe no verán, pola contra, o período estival ofrece dificultades engadidas ao desenvolvemento das campañas de doazón por parte da Axencia de Doazón de Órganos e Sangue, especialmente pola deslocalización dos doadores e doadoras.
A dirección de ADOS convida aos galegos e galegas a continuar amosando a súa xenerosidade e solidariedade e, aínda que nestes días precísanse aumentar o número de doazóns de todos os grupos sanguíneos, recalca especial mención do Cero negativo.
Facilitar a participación
A Axencia de Doazón de Órganos e Sangue agarda, novamente, contar coa positiva resposta da cidadanía ao seu chamamento solidario e para iso ofrecerá as máximas facilidades para doar, mediante o desprazamento de dez unidades móbiles que efectuarán as seguintes visitas:
DATA | LUGAR |
xoves 23 xullo | Monfero, Ordes, Cantón, Padrón, A Ramallosa, Os Tilos, Vilagarcía, Cangas do Morrazo, Palas de Rei, Castroverde, Ourense, Carballeda de Avia e Avión |
venres 24 de xullo | Meiras, Monelos, Cantón-Obelisco Rianxo, Carril, Vilagarcía, Salceda de Caselas, Praza da Horta (Lugo) e Rúa do Paseo (Ourense) |
Ademais, tamén existe a posibilidade de doar nos locais existentes nas sete grandes cidades galegas.
LUGAR | HORARIO |
Hospital Clínico Universitario de Santiago | Luns a venres das 08:00 ás 22 horas sábado das 08:00 as 15:00 horas |
Hospital Universitario da Coruña | Luns a venres das 08:00 ás 22:00 horas sábado das 08:00 as 15:00 horas |
Hospital Arquitecto Marcide Ferrol | Luns a venres das 08:00 ás 22 horas martes, mércores e xoves das 15:00 as 22:00 horas |
Hospital Lucus Augusti | Luns a venres das 08:00 ás 22 horas martes, mércores e xoves das 15:00 as 22:00 horas |
Hospital Universitario de Ourense | Luns a venres das 08:00 ás 15:00 horas |
Hospital Provincial de Pontevedra | Luns a venres das 08:00 ás 15:00 horas |
Hospital Nicolás Peña | Luns a venres das 08:00 ás 22:00 horas sábado das 08:00 as 15:00 horas |
Doar, moi sinxelo
Pode doar sangue calquera persoa con máis de 18 anos, que pese máis de 50 quilos e que non padeza nin teña padecido enfermidades transmisibles polo sangue (VIH, hepatite B ou C...). A doazón de sangue é un acto sinxelo que permite a moitas persoas solucionar o seu problema de saúde e mesmo salvar a vida.
Para máis información, ADOS dispón da páxina web: ados.sergas.gal, ás páxinas de ADOS en redes sociais. e tamén a posibilidade de chamar ao teléfono gratuíto para resolver calquera dúbida relacionada coa doazón de sangue ou coñecer a data dos desprazamentos das unidades móbiles: 900 100 828. ADOS lembra que, aínda que pódese acudir de forma espontánea, é recomendable solicitar cita no teléfono antes sinalado.
Imaxes relacionadas
