A Xunta publica hoxe no Diario Oficial de Galicia a extensión da tarxeta Xente Nova a toda a provincia de Ourense e á área de Pontevedra desde o vindeiro luns, 15 de xuño

Con este dispositivo os menores de 21 anos poderán viaxar de balde no transporte público dependente da Xunta

Un total de 92 concellos de Ourense e 13 da área de Pontevedra beneficiaranse desta iniciativa

Desde o pasado mércores, 10 de xuño, pódese solicitar a tarxeta Xente Nova con nas preto de 50 oficinas de Abanca habilitadas

A tarxeta non precisa ter unha conta asociada, simplemente debe ter un saldo inicial para empezar a utilizala e cada 15 días se reembolsa o importe das viaxes realizadas, ata 60 ao mes

Para conseguir a tarxeta é necesario solicitar cita previa na entidade e os menores de idade deberán ir acompañados dun proxenitor

Estímase que uns 5.200 menores de 21 anos da provincia de Ourense e arredor de 6.500 da área de Pontevedra empregarán este dispositivo que fomenta unha mobilidade sostible e segura

Os maiores de 21 da provincia de Ourense e da área de Pontevedra poden tamén solicitar xa e empregar desde o luns a tarxeta TMG