A Xunta remata a execución da nova senda peonil na estrada AC-160, entre os concellos de Miño e Vilarmaior
O itinerario acometeuse no tramo desta vía autonómica comprendido entre os puntos quilométricos 7+000 e 7+880
A senda facilitará a mobilidade dos veciños en condicións máis seguras e sustentables nesta contorna que ata o momento non dispoñía de beirarrúas
A Consellería de Infraestruturas e Mobilidade vén de rematar as obras de execución dunha senda peonil na estrada AC-160, entre os Concellos de Miño e Vilarmaior.
Esta actuación foi adxudicada á empresa Excavaciones y canalizaciones Conde S.L. por importe de case 50.000 euros.
A senda desenvolveuse na marxe esquerda do tramo desta vía autonómica comprendido entre os puntos quilométricos 7+000 e 7+880.
A intervención centrouse na construción dun itinerario peonil dun ancho de 1,5 m, no que se utilizou firme de formigón.
Este itinerario facilitará a mobilidade dos veciños en condicións máis seguras e sustentables ao solucionar as carencias deste tramos de estrada que non dispoñía de beirarrúas.
Imaxes relacionadas
