A Xunta publica hoxe no DOG a reanudación da convocatoria das probas para o desempeño das funcións de xestor de transporte
As novas datas para realizar o exame de competencia profesional fíxanse entre o 1 de setembro e o 31 de decembro deste ano
As solicitudes de inscrición presentadas con antelación á entrada en vigor da presente resolución manterán a súa validez, podendo os interesados desistir da súa solicitude e pedir a devolución da taxa abonada
O Diario Oficial de Galicia publica hoxe a resolución da Dirección Xeral de Mobilidade, pola que se reanuda a convocatoria das probas de constatación da competencia profesional para o desempeño das funcións de xestor de transporte en empresas de transporte por estrada.
Estas probas obrigatorias de competencia profesional reactívanse como consecuencia da evolución da pandemia, tras verse suspendida a convocatoria inicial pola declaración do estado de alarma e a emerxencia sanitaria derivada da covid-19.
A nova convocatoria para realizar o exame de xestor do transporte fíxase entre o 1 de setembro e o 31 de decembro de 2020, sempre que a situación sanitaria o permita.
As solicitudes de inscrición presentadas con antelación á entrada en vigor da presente resolución manterán a súa validez.
As persoas aspirantes que se vexan afectadas pola modificación do calendario inicialmente previsto, entre o 30 de marzo e o 30 de xuño, poderán desistir da súa solicitude e pedir a devolución da taxa abonada.
No seguinte enlace ao DOG pode consultarse toda a información: https://xurl.es/69v6n
Imaxes relacionadas
