A Xunta inicia as obras de mellora de firme na estrada PO-552 ao seu paso polos concellos de Vigo, Nigrán, O Rosal e A Guarda
As actuacións, adxudicadas por un importe de preto de 655.000 euros, prevén o seu remate este verán
As obras están a iniciarse no tramo da estrada autonómica no municipio da Guarda
Trátase de traballos de mantemento e conservación do firme en dous tramos desta estrada, un desde o inicio deste vial da Xunta e ata a glorieta da Ramallosa, e outro entre punta do Bazar e a parroquia das Eiras
A Consellería de Infraestruturas e Mobilidade vén de iniciar hoxe as obras de mellora do firme na estrada PO-552 ao seu polos concellos de Vigo, Nigrán, O Rosal e A Guarda, cun investimento de case 830.000 de euros.
Esta intervención está a ser executada pola empresa Arias Infraestruturas, S.A., por un importe de preto de 655.000 euros e o obxectivo e telas rematadas este verán.
Os traballos, que están a iniciarse polo tramo do municipio da Guarda, consisten no fresado e a reposición do firme naqueles puntos da estrada nos que a capa de rodadura presente carencias ou se atope deteriorada, e a reposición da sinalización horizontal.
Estes traballos de actuación de mantemento e conservación do firme céntrase en dous tramos desta estrada de titularidade da Xunta.
Unha das actuación de rehabilitación do firme realízase dentro dos 13 primeiros quilómetros da PO-552 e ata a glorieta da Ramallosa ao seu paso polos concello de Vigo e Nigrán, en concreto entre os puntos quilométricos 0+000 a 12+857.
A outra intervención do departamento de Infraestruturas da Xunta iniciase na entorna de punta do Bazar, no punto quilométrico 45+010, e a parroquia das Eiras, no 54+492. Este treito de 13 quilómetros coincide co tramo da PO-552 que percorre os concello da Guarda e O Rosal.
Imaxes relacionadas
