A Xunta executa traballos de conservación e limpeza no rego de Porto do Medio, no concello de Santiago
As tarefas están a desenvolverse nun treito interurbano de 15 metros ao seu paso pola parroquia de San Caetano
A Consellería de Infraestruturas e Mobilidade, a través de Augas de Galicia, está a executar os traballos de conservación e limpeza no rego de Porto do Medio, no concello de Santiago.
Estas tarefas estanse a desenvolver nun treito interurbano de 15 metros de lonxitude, que coincide co percorrido do rego pola parroquia de San Caetano.
As principais tarefas consisten na retirada de árbores e na poda de pólas secas con perigo de caída.
Estas accións enmárcanse no programa de mantemento, conservación e mellora que realiza Augas de Galicia no dominio público hidráulico das bacías de Galicia-Costa, no ámbito territorial da zona Galicia-centro.
A Xunta mantén así activas as actuacións para a mellora dos leitos fluviais de cara a favorecer as condicións naturais do ecosistema dos ríos.
Imaxes relacionadas
