A Xunta reabre de forma permanente ao tránsito peonil o paseo marítimo da Malata de Ferrol
O carril bici continuará pechado á circulación ata que se remate a execución do colector xeral das obras de saneamento
Os traballos avanzan a bo ritmo e antes do verán conectarase ao sistema o entorno da Cabana, quedando xa libre de vertidos a metade da enseada
A Xunta vén de reabrir de forma permanente ao tránsito peonil o paseo marítimo da Malata, en Ferrol.
O carril bici continuará pechado á circulación ata que se remate a execución do colector xeral das obras de saneamento. Esta zona estará debidamente valada e sinalizada.
O mes pasado abriuse ao tránsito, durante as fins de semana, para o tránsito peonil e o avance nas obras permite agora que permaneza aberto de xeito permanente.
Na actualidade as actuacións do saneamento da Malata continúan avanzando a bo ritmo. Segundo a posta en servizo planificada por fases, antes do verán poderá conectarse ao sistema de saneamento o entorno da Cabana, co que a metade da enseada quedará libre de vertidos mentres se completan as obras na zona da Malata.