A Xunta realiza labores de conservación na PO-255 ao seu paso polo centro de Ponte Caldelas

A Xunta de Galicia, a través da Axencia Galega de Infraestruturas, está a executar labores de mantemento na PO-255 ao seu paso polo centro urbano da localidade de Ponte Caldelas.

Os traballos permitirán renovar as arquetas de cara a mellorar a recollida das augas pluviais e a minimizar os ruídos producidos polo mal estado das mesmas. O equipo de conservación ten previsto rematar estas obras durante a xornada de mañá.