A Xunta adxudica as obras de mellora do firme na estrada AC-199, no Concello de Dumbría
Estas actuacións, cun investimento de máis de 43.000 euros, comezarán nas vindeiras semanas e terán un prazo de execución dun mes
Os traballos, que se realizarán no tramo entre os puntos quilométricos 0+300 e 0+900, completarán os xa efectuados en marzo no treito entre os puntos 0 e 0+300
As obras consistirán no reperfilado de cunetas, no fresado e na reposición da capa de aglomerado da estrada
A Consellería de Infraestruturas e Mobilidade vén de adxudicar as obras de mellora do firme na estrada AC-199, no Concello de Dumbría.
Estas actuacións, adxudicadas á empresa Construcciones J. Mauri e Hijos, S.L. por un importe de máis de 43.000 euros, comezarán nas vindeiras semanas e terán un prazo de execución dun mes.
Os traballos previstos completarán a actuación de mellora na capa de rodadura realizada en marzo no treito entre os puntos quilométricos 0 e 0+300, cun investimento de preto de 25.000 euros.
As obras, que comezarán nas vindeiras semanas, centraranse no reperfilado de cunetas, no fresado e na reposición da capa de aglomerado no tramo entre os puntos quilométricos 0+300 e 0+900.
O Goberno galego continúa traballando na conservación das estradas autonómicas co fin de incrementar a seguridade viaria e mellorar a mobilidade dos cidadáns.