Conde destaca a calidade e o dinamismo do sector comercial de Ribeira

O conselleiro de Economía, Emprego e Industria, Francisco Conde, visitou hoxe a Feira de Inverno do pequeno comercio de Ribeira, un encontro organizado pola asociación de empresarios da localidade coruñesa que alcanza xa a súa oitava edición.

Durante o seu percorrido pola mostra, o conselleiro destacou o dinamismo, variedade e calidade do sector comercial do municipio, apuntando que o comercio de proximidade é un dos principais motores económicos das vilas e cidades galegas, e un dos seus maiores atractivos.