Política Social visita a residencia municipal San Pedro de Crecente

O xerente do Consorcio Galego de Servizos de Igualdade e Benestar, Perfecto Rodríguez, visitou esta mañá en Crecente a residencia municipal San Pedro onde destacou a calidade das instalacións e da atención que nela se presta.

Perfecto Rodríguez sinalou a importancia de que as diferentes administracións colaboren para mellorar os servizos en beneficio dos cidadáns. Así, sinalou que Crecente conta cun centro de atención aos maiores que cumpre coas necesidades asistenciais das súas veciñas e veciños.