Carmen Pomar participa no acto académico da festividade de San Tomé de Aquino na Universidade de Vigo

A conselleira de Educación, Universidade e Formación Profesional, Carmen Pomar, asistiu esta mañá ao acto académico da festividade de San Tomé de Aquino na Universidade de Vigo, que se celebrou no salón de actos da Facultade de Ciencias Económicas e Empresariais. No acto participou o reitor da UVigo, Manuel Reigosa, e máis o secretario xeral de Universidades, José Alberto Díez de Castro.

No transcurso do acto procedeuse á entrega dos Premios Extraordinarios de Doutoramento, dos de Grao, dos galardóns EGERIA á inclusión da perspectiva de xénero nos traballos de fin de Grao e fin de Máster e dos Premios Excelencia Académica ao alumnado que inicia estudos de Grao e de Máster.