A Xunta e o Concello de Rois colaboran para mellorar as infraestruturas rurais do municipio

O conselleiro do Medio Rural, José González, reuniuse este mediodía co alcalde de Rois, Ramón Tojo, para avanzar na mellora das infraestruturas rurais deste municipio coruñés. En concreto, falouse da posibilidade de impulsar a rehabilitación do vial que une os lugares de Herbogo e Rubieiro.

Na reunión, que serviu para avaliar as necesidades do agro no concello de Rois, tamén estivo presente o director xeral de Planificación e Ordenación Forestal, José Luis Chan, así como técnicos da Consellería.