A partir do luns, 9 de xuño, quedan activadas novas mensaxes de información no cumprimento da xornada laboral, no sistema de fichaxe Kronos.

Aclaracións sobre a posibilidade do gozo de forma descontinua do permiso por accidente ou enfermidade grave dun familiar (artigo 76.1.a) do Decreto lexislativo 1/2008, do 13 de marzo, polo que se aproba o texto refundido da lei da Función Pública de Galicia), mentres persista o feito causante e ata o máximo de días establecido, que prevé a Resolución do 12 de marzo de 2013, da Dirección xeral da Función Pública, pola que se ditan instrucións sobre o réxime de vacacións, permisos e licenzas (DOG nº 56, do 20 de marzo).

A próxima semana aplicaranse nas listas de contratación os resultados das probas físicas e de agudeza visual dos integrantes das reguladas polo Decreto 37/2006, do 2 de marzo, correspondentes a determinadas categorías de persoal laboral dos servizos de prevención e defensa contra incendios forestais e de persoal do Pladiga.

Proximamente publicarase no DOG a resolución pola que se convocan as probas físicas e de agudeza visual do persoal admitido nas listas de contratación temporal dedicado ás tarefas de prevención e extinción de incendios forestais.

O vindeiro 31 de marzo de 2014 publicaranse as disposicións polas que se abren os prazos posesorios (cesamento e tomas de posesión) das adxudicacións derivadas do concurso de administración xeral (F01/13) e das adxudicacións definitivas ao persoal de novo ingreso do corpo de xestión (A2) e do corpo administrativo (C1) da Xunta de Galicia.

Resolución do 25 de febreiro de 2014, da Dirección Xeral da Función Pública, pola que de conformidade co artigo 12 do Decreto 37/2006, do 2 de marzo (Diario Oficial de Galicia número 48, do 9 de marzo) se fai pública a actualización provisional de méritos correspondente ao ano 2013 das listas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.

O vindeiro 17 de febreiro de 2014, publicaranse as disposicións polas que se abren os prazos posesorios (cesamentos e tomas de posesión) das adxudicacións derivadas do concurso de administración especial (F04/12) e das adxudicacións definitivas ao persoal de novo ingreso das escalas de administración especial.

Tanto a excedencia por coidado de fillo/a menor de tres anos como a excedencia por coidado de familiares poderá gozarse de forma fraccionada, en períodos mínimos de un mes.

Ao longo do ano 2013, o persoal funcionario terá dereito a gozar de ata catro días por asuntos persoais. O día adicional do ano 2013 poderá gozalo ata o 31 de marzo de 2014.

Fanse públicas as listas definitivas para a cobertura con carácter transitorio de prazas reservadas a persoal funcionario e a contratación temporal de persoal laboral da Xunta de Galicia.