A orde da Consellería de Economía e Facenda do 26 de febreiro de 1993, pola que se regula a expedición de pagamentos para xustificar, modificada pola Orde do 26 de setembro de 2006, relaciona no seu anexo as aplicacións orzamentarias con cargo ás cales se poden emitir ordes de pagamento para xustificar.
As modificacións introducidas nas clasificacións do orzamento de gastos da comunidade autónoma, así como as novas necesidades postas de manifesto polos órganos xestores, fan necesaria a actualización do punto segundo do anexo da dita orde.
De acordo co exposto, vistas as peticións formuladas polas distintas consellerías, e por mor da facultade de actualización que me outorga a disposición adicional da Orde do 26 de febreiro de 1993,
RESOLVO:
Actualizar o punto segundo do anexo da Orde do 26 de febreiro de 1993, pola que se regula a expedición de pagamentos para xustificar, que contén con carácter particular a relación das aplicacións orzamentarias con cargo ás cales se poden emitir ordes de pagamento para xustificar. O dito punto quedará redactado de modo que se indica no anexo desta resolución.
Esta resolución entrará en vigor o mesmo día da súa publicación no Diario Oficial de Galicia.
Santiago de Compostela, 1 de abril de 2011.
Elena Muñoz Fonteriz
Interventora xeral da Comunidade Autónoma
Ver referencia pdf "08200D002P007.PDF"