Con data do 9 de febreiro de 2011, a Consellería de Cultura e Turismo remitiulle á Consellería de Facenda o expediente de doazón de bens propiedade da familia Vilariño Pintos.

A Secretaría Xeral Técnica e do Patrimonio tramitou o expediente de aceptación, logo dos respectivos informes favorables do Arquivo de Galicia e da Comisión Superior de Valoración de Bens Culturais de Interese para Galicia.

De acordo co disposto no artigo 17º.1 da Lei 3/1985, do 12 de abril, do patrimonio da Comunidade Autónoma de Galicia, e 34º.1 do Regulamento aprobado polo Decreto 50/1989, do 9 de marzo, a adquisición pura e simple de bens, a título gratuíto ou lucrativo, requirirá decreto do Consello da Xunta de Galicia, por proposta da Consellería de Facenda.

Na súa virtude, por proposta da conselleira de Facenda, e logo da deliberación do Consello da Xunta de Galicia na súa reunión do día vinte e catro de marzo de dous mil once,

DISPOÑO:

Artigo único.-Aceptar, nos termos establecidos polo doador, a doazón de bens que a continuación se relaciona:

Obxecto: fondo documental composto de 18 unidades de instalación maioritariamente tamaño cuarto, e catro unidades (rolos) con títulos, diplomas, documentos e impresos.

Procedencia: casa familiar.

Cronoloxía: datas extremas: 1918-1968.

Valoración: 5.760 €.

Disposición derradeira

A Consellería de Facenda, a través da Secretaría Xeral Técnica e do Patrimonio, levará a cabo todos os trámites para a efectividade deste decreto.

Ferrol, vinte e catro de marzo de dous mil once.

Alberto Núñez Feijóo

Presidente

Marta Fernández Currás

Conselleira de Facenda