En cumprimento do disposto no artigo 15º.1 da Lei 9/1997, do 13 de xuño, de subvencións de Galicia,
RESOLVO:
Ordenar a publicación no Diario Oficial de Galicia das subvencións concedidas con cargo á aplicación orzamentaria 11.02.761A.770.0 (2007 00372) ao abeiro da Orde do 19 de maio de 2010 pola que se establecen as bases reguladoras para a concesión, en réxime de concorrencia competitiva, das subvencións destinadas a incentivar a implantación e mellora das empresas de turismo activo, aventura, actividades de lecer e tempo libre, e se procede á súa convocatoria para o ano 2010.
Estas subvencións están cofinanciadas ao 70% polo Fondo Europeo de Desenvolvemento Rexional, a través do Programa operativo do Feder de Galicia 2007-2013, número CCI 2007 ES 161 PO 005, aprobado pola decisión da Comisión Europea do 30 de novembro de 2007.
Convocatoria: Orde do 19 de maio de 2010 pola que se establecen as bases reguladoras para a concesión, en réxime de concorrencia competitiva, das subvencións destinadas a incentivar a implantación e mellora das empresas de turismo activo, aventura, actividades de lecer e tempo libre e se procede á súa convocatoria para o ano 2010.
Santiago de Compostela, 18 de febreiro de 2011.
Roberto Varela Fariña
Conselleiro de Cultura e Turismo
Ver referencia pdf "05700D004P017.PDF"