Por resolución da alcaldía do 22 de decembro de 2010 apróbase inicialmente o Plan de sectorización do solo apto para urbanizar de baixa densidade nº 8, sito en Quintán, Cecebre, presentado por General de Terrenos y Edificios, S.L. e redactado polo arquitecto Andrés Soto Núñez.

O que se fai público para xeral coñecemento. O expediente sométese a información pública durante un mes mediante anuncios no Diario Oficial de Galicia e en dous dos xornais de maior circulación da provincia, de conformidade co establecido no artigo 86º.1 a) da Lei 9/2002, de ordenación urbanística e protección do medio rural de Galicia.

Durante o citado prazo, contado a partir do día seguinte á publicación deste anuncio no Diario Oficial de Galicia, poderánse formular as alegacións que se consideren pertinentes. O expediente poderá ser consultado nas oficinas da Área de Urbanismo e Réxime Interior deste concello de luns a venres das 9.00 ás 14.00 horas.

Cambre, 28 de xaneiro de 2011.

Antonio Varela Saavedra

Alcalde