A través deste decreto preténdense regular, no ámbito territorial da Comunidade Autónoma de Galicia, os documentos que acompañarán os produtos vitivinícolas, os rexistros que se levarán, as prácticas e os tratamentos enolóxicos autorizados, así como as normas administrativas para a súa aplicación e, por último, o Rexistro de embotellador de viños e outras bebidas alcohólicas distintas do viño.

De conformidade co parágrafo segundo do artigo 42º.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, cando o contido e a repercusión da disposición o aconsellen será sometida a información pública.

Na súa virtude,

RESOLVO:

Someter a información pública, por un prazo de quince días hábiles contados desde o seguinte ao da publicación desta resolución, o proxecto de decreto polo que se ditan normas de aplicación sobre os documentos que acompañan o transporte de produtos vitivinícolas, os rexistros e as declaracións de determinadas prácticas no sector vitivinícola na Comunidade Autónoma de Galicia.

O proxecto de decreto poderase consultar na páxina web da Consellería do Medio Rural:

http://mediorural.xunta.es/nc/transparencia/elaboracion_ de_disposicions_proxectos_e_actos_administrativos/

As posibles alegacións presentaranse durante o prazo sinalado, dirixidas á directora xeral de Innovación e Industrias Agrarias e Forestais, en calquera das oficinas previstas no artigo 38º.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 11 de febreiro de 2011.

Alejandra Álvarez de Mon Rego

Directora xeral de Innovación e Industrias Agrarias e Forestais