Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 318/2009 por instancia de Mirela Andrea Ion contra Ollo cos Galegos, S.L., sobre cantidade, nos cales se ditou sentenza en data 17-1-2011, que copiada nos particulares necesarios di así:
«Decido que, estimando a demanda promovida pola demandante Mirela Andrea Ion, debo condenar e condeno a empresa Ollo cos Galegos, S.L. a que lle aboe á demandante a cantidade de 19.396,93 euros polos conceptos reclamados en demanda.
Notifíqueselles esta resolución ás partes, ás cales se lles fará saber que contra ela só cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo de cinco días contados a partir da notificación desta sentenza, e no propio termo, se o recorrente non goza do beneficio de xustiza gratuíta, deberá ao anunciar o recurso entregar xustificante acreditativo de ter consignado a cantidade obxecto de condena na conta de depósitos e consignacións que este xulgado ten aberta no Banesto desta cidade 0030 1846 42 0005001274.
E, igualmente, deberá no momento de interpoñer o recurso consignar a suma de 150 euros en concepto de depósito especial para recorrer na conta 1534 00 0064031809.
Así, por esta a miña sentenza, definitivamente xulgando en primeira instancia, o pronuncio, mando e asino».
E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Ollo cos Galegos, S.L., expido e asino esta na Coruña, 20 de xaneiro de 2011.
Ana María Carrasco García
Secretaria xudicial