En sesión que tivo lugar o día 17 de febreiro de 2011, o tribunal nomeado pola Orde do 16 de xuño de 2010 (DOG nº 117, do 22 de xuño), para cualificar o proceso selectivo para o ingreso pola quenda de promoción interna no corpo superior da Administración da Xunta de Galicia (subgrupo A1), acordou, de conformidade co establecido na orde de convocatoria:
Primeiro.-Facer pública, de acordo coa base IV.2 da convocatoria, a relación de aspirantes que superaron o proceso selectivo, por orde de puntuacións obtidas e con indicación do seu documento nacional de identidad, que se recolle como anexo a esta resolución.
De acordo coa dita base, os aspirantes disporán dun prazo de vinte días naturais, contados a partir do día seguinte ao da publicación no Diario Oficial de Galicia da resolución do tribunal, para presentaren a documentación prevista nas letras A), B) e C).
Segundo.-Elevar a devandita relación á titular da Dirección Xeral da Función Pública para que elabore a proposta de nomeamento como funcionarios de carreira.
Terceiro.-Contra esta resolución, os interesados poderán interpoñer recurso de alzada ante a conselleira de Facenda no prazo dun mes contado desde o día seguinte ao da publicación desta resolución no DOG, conforme o previsto no artigo 114º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 17 de febreiro de 2011.
María Antonia Arias Bouzas
Presidenta do tribunal
Ver referencia pdf "03600D008P061.PDF"