Mediante resolución do conselleiro do Medio Rural, do 5 de novembro de 2010, concedéronse as axudas para o desenvolvemento de accións formativas en materia agroforestal, ás entidades de iniciativa social e pola contía que se reflicte no anexo, convocadas ao abeiro da Orde do 4 de agosto de 2010, en que se establecen as bases reguladoras da concesión, en réxime de concorrencia competitiva, de axudas para o desenvolvemento de accións formativas e se convocan para o ano 2010 (DOG nº 154, do 12 de agosto).

De conformidade co artigo 15º da Lei 9/2007, do 13 de xuño, de subvencións de Galicia, faise pública a relación de entidades beneficiarias, o importe da subvención concedida e a finalidade desta.

O financiamento das subvencións concedidas ao abeiro da Orde do 4 de agosto de 2010 imputouse á aplicación orzamentaria 13.04.422M.481.0 por un importe máximo de cen mil euros (100.000 €), dos que oitenta mil euros (80.000 €) son financiados polo Fondo Social Europeo e o resto pola Consellería do Medio Rural.

En virtude do exposto anteriormente,

RESOLVO:

Dar publicidade á relación de entidades beneficiarias de axudas concedidas ao abeiro da Orde do 4 de agosto de 2010 que figura como anexo.

Santiago de Compostela, 16 de febreiro de 2011.

Alejandra Álvarez de Mon Rego

Directora xeral de Innovación e Industrias

Agrarias e Forestais

Ver referencia pdf "03600D005P035.PDF"